DESKRIPZIO:
Sendagaiak prestatu eta formulatzeko eginkizuna arte gisa hartu izan da urte askoan eginkizun horren ikerketan _diziplina gisa hartua_ zenbait ezaguera enpiriko eta deskripziozko hartzen ziren aintzat. Gaur egun, ordea, diziplina horretaz jarduten dugunean, zorroztasun zientifiko handiko nozio multzo bat, garapen bizkorrekoa, erabiltzen dugu. Eremu horretan garatzen da gaur egungo Farmazia-teknologia, urteetan Farmazia Galeniko gisa ezagutu dugun arlo horren osagai izan den diziplina, alegia.
Farmazia-teknologiak posizio ezin hobea du gaur egun izan ere, haren inguruko arazo ugari konpondu ondoren, oinarri zientifiko sendoko diziplina dugu orain. Jakintza hori ikasgeletara eramatea da Farmazia-teknologiaren liburu honen bi liburukien xede nagusia.
Liburuki honetan, bi atal nagusi daude: batean, sistema farmazeutikoen jakingai funtsezkoenak aipatzen dira, eta, bestean, oinarrizko eragiketak. Bigarren liburukian, berriz, forma farmazeutikoez gainera, ekoizpenean egin beharreko kalitate-kontrola aztertuko da.
